Shirdi Sai Telugu

శ్రీసాయినాథాయనమః, శ్రీరమణాయనమః. నేడు భగవాన్ శ్రీ రమణమహర్షి మహాసమాధి చెందిన పుణ్యతిథి. ( Continued ) 19) ఎల్లప్పుడును భగవంతుడ నగు నాయందేగాగ్ర చిత్తులును, ప్రీతిపూర్వకముగా నన్ను భజించువారును నైన, నిరంతర ధ్యానపరులకు పరమేశ్వరుండనగు నన్ను పొందు జ్ఞానమును కలిగించుచున్నాను. (10 : 10). 20) ఎల్లప్పుడును ధ్యానముచేయు భక్తుల ననుగ్రహించుట కొరకే వారి అంతఃకరణ మందున్నవాడనై, వారియొక్క అజ్ఞానజన్యమైన మోహాంధకారమును జ్ఞానమనెడి దీపముచేత పోగొట్టుచున్నాను. (10 : 11). 21) అట్టి అజ్ఞానమును జ్ఞానముచేత నెవరు నాశము చేయుచున్నారో, అట్టివారలకు జ్ఞానము, సూర్యునివలె, ఆ పరబ్రహ్మ స్వరూపమును ప్రకాశింపజేయుచున్నది. (5 : 16). 22) బ్రహ్మవేత్తలు దేహమునకన్న కర్మేంద్రియములు చైతన్యము గలవి యనియు, వాటికన్న జ్ఞానేంద్రియములు చైతన్యవంతములనియు, అట్టియింద్రియములకంటె మనస్సు చైతన్యమైనదనియు, మనస్సుకంటెను బుద్ధి చైతన్యమైనదనియును, అట్టి బుద్ధి కంటెను మిక్కిలి చైతన్యము గలది యాత్మ యనియు చెప్పుదురు. (3 : 42). 23) ఓ అర్జునా! ఈవిధముగా బుద్ధికంటె వ్యతిరిక్తమైన యాత్మను జ్ఞానస్వరూపంబుగా నెరింగి, తన్నుతాను నిశ్చలముగా చేసికొని సుస్థిర మొనర్చుక...

శ్రీసాయినాథాయనమః, శ్రీరమణాయనమః. (Continued). 10) బురద మొదలగు సకల వస్తువులయందును వ్యాపించియున్న ఆకాశము సూక్ష్మమైన దగుటవలన పంకాదులచే అంటబడనట్లు సకల దేహములయందును గల పరమాత్మ దేహేంద్రియములతో నంటబడదు. (13 : 33). 11) ఆ బ్రహ్మపదమును సూర్యుడు ప్రకాశింపజేయజాలడు, చంద్రుడు ప్రకాశింపజేయజాలడు, అగ్నియు ప్రకాశింపజేయజాలదు, ఏ సూక్ష్మస్థానమును పొంది తిరిగి జన్మకు రారో అదియే నాయొక్క పరమపదము. (15 : 6). 12) ఏ పరమాత్మను ఇంద్రియములకు గోచరము కానివాడనియు, నాశరహితుడనియు చెప్పుచున్నారో ఆ పరమాత్మనే ఉత్తమమైన ప్రాప్యస్థానమనియును చెప్పుదురు. దేనిని పొందినచో తిరిగి జన్మించరో అదియే భగవంతుడ నగు నా యొక్క సర్వోత్తమ మయిన స్థానము. (8 : 21). 13) అభిమానము లేనివారును; దారా, పుత్ర, బంధు, మిత్ర, ధనధాన్యాదుల యందలి యాసక్తిని విడచినవారును, సదా భగవధ్యానమును చేయువారును, కోరికల నన్నిటినీ విడిచిన వారును, సుఖదుఃఖ కారణములగు శీతోష్ణాది ద్వన్ద్వములచేత విడువబడిన వారునైన అజ్ఞానరహితులు (జ్ఞానులు) నాశములేని ఈ మోక్షపదవిని పొందుచున్నారు. (15 : 5). 14) వేదములలో చెప్పబడినట్టి చేయదగిన, చేయదగని వాక్యములను అనాదరణ చేసి, విడిచిపెట్టి, స్వేచ్చ...

శ్రీసాయినాథాయనమః, శ్రీరమణాయనమః. భగవాన్ ఓ పర్యాయం తమను దర్శించవచ్చిన పండితునికి భగవద్గీతా ఘనతనుగూర్చి వివరిస్తున్నారు. ఆ సమయంలో వారికి సమీపమునున్న భక్తుడొకరు 700 శ్లోకములతో కూడిన గీతను గ్రహించుట బహుజటిలమనియు ఒక్కశ్లోకములో గీతాసారమును తెలుపవలసినదిగా విన్నవించుకున్నాడు. అందులకు సమాధానంగా భగవాన్, గీత 10వ అధ్యాయంలోని 20వ శ్లోకాన్ని వివరించారు. " ఓ అర్జునా! నేను సకలభూతములయొక్క హృదయ కమలమందుండు ప్రత్యగాత్మ(Self)ను, సమస్తభూతములయొక్క ఆది మధ్యాంతములును నేనే".పిమ్మట వారు దిగువ వివరించిన 42 శ్లోకముల నెన్నుకొన్నారు. వేరు వేరు అధ్యాయములలోని శ్లోకములను భగవాన్ భక్తులకుపయోగముకొరకు ఓ ప్రత్యేక క్రమములో కూర్చారు. (పైన పేర్కొనబడిన శ్లోకము వరుసలో 4వదిగా చెప్పడమైనది). 1) సంజయుడు చెప్పాడు: మధుసూదనుడు, అట్లు కనికరముతో కూడుకొన్నవాడును, కన్నీటితో నిండుకొని కలతబారిన నేత్రములు గలవాడును, దుఃఖపడుచున్న వాడును నగు అర్జునినికిటుల జెప్పెను.(2:1, రెండవ అధ్యాయము :1వ శ్లోకము). 2) శ్రీ భగవంతుడు చెప్పెను. కుంతీపుత్రుడవగు ఓ అర్జునా ! ఈ దేహము క్షేత్రమని చెప్పబడుచున్నది. దీనినెవడు తెలియుచున్నాడో,వానిని క్...