Shirdi Sai Telugu

శ్రీసాయినాథాయనమః! నేడు అంతర్జాతీయ మాతృదినోత్సవము (Mothers Day). " Mothers were created by God to show us that He loves us with or without cause. " Paramahansa Yogananda. అంతర్జాతీయ మాతృదినోత్సవ వేడుక సందర్భమున మాతృమూర్తులెల్లరకు శతాధిక వందనములు. తల్లి ప్రేమ తల్లికే తెలుస్తుంది, ఆ ప్రేమ ఉహకందదు, వర్ణలకు చిక్కదు. కాని అట్టి ప్రేమను గూడ మించునట సద్గురువు ు తన భక్తులపై జూపెడు ప్రేమ. తల్లిప్రేమను వేయి రేట్లు మించునని స్వామి సమర్ధ అక్కల్కోట్ మహారాజ్ వచించారు. సాయిప్రేమ అలాంటిదే! మాతృమూర్తి ప్రేమానురాగాలు కేవలం తన బిడ్డలకే పరిమితమైతే సాయి ప్రేమ శరణాగతి కోరిన సమస్తమానవాళిపైనే గాక , జీవజంతువులపైనా, సమస్త చరాచర జగత్తుపైనా సదా ప్రసరిస్తుంది. నేటి ప్రత్యేక శుభ సమయమున ఎల్లలెరుగని సాయి తల్లిప్రేమనిచట స్మరించుకొనెదము. తమను జూడ వచ్చిన భక్తుడు బాబాసాహెబ్ మిరీకర్ తో సాయి యిలా అన్నారు, " నీవిప్పుడు కూర్చున్నదే ద్వారకామాయి, ఎవరైతే ఆమె ఒడిలో కూర్చొనెదరో వారిని ఆమె కష్టములనుండి యాతురతలనుండి తప్పించును. ఈ మసీదు తల్లి చాల దయార్ద్ర హృదయురాలు. ఆమె నిరాడంబర భక్తులకు తల్లి. వారిని ఆపదల...

శ్రీసాయినాథాయనమః, శ్రీరమణాయనమః. ( Continued ) 37) మానవమానముల యందును, శత్రుమిత్రుల యందును, సముడై, సకల కామ్యకర్మములను విడిచినవాడును లేక సొంత కార్యముల నన్నిటిని విడిచి పరుల మేలుకొరకు ప్రవర్తించువాడును ఎవడో వాడు ' గుణాతీతుడని ' చెప్పబడుచున్నాడు. (14 : 25). 38) ఏ మనుష్యుడైతే తనలో తానే ఆనందించువాడును, తనలో తానే తృప్తిపొందిన వాడును, తనయందే సంతోషపడుచుండు వాడును అగునో వానికి చేయదగిన కార్యమేదియును లేదు. అట్టి ఆత్మారాముడు కృత కృత్యుడని భావము. (3 : 17). 39) అట్టి ఆత్మానందభరితుడగు బ్రహ్మవేత్తకు ఈ లోకమునందు కర్మను చేయుటచేతగాని, కర్మనుచేయకుండుటచేతగాని యెట్టి ప్రయోజనుమును లేదు. వీనికి ఏ ప్రయోజనుములకొరకుగాని సమస్త భూతములలో నాశ్రయింపదగిన దేదియును లేదు. (3 : 18). 40) అప్రయత్నముగా తనంతట లభించిన ఆహారాదులతో తృప్తిబొందిన వాడును, సుఖదుఃఖములవలన హర్షశోకముల నొందని వాడును, ఇతరులపై మాత్సర్యము లేనివాడును, ప్రాప్తాప్రాప్తముల యందు సమబుద్ధి గలవాడునైన యోగి దేహధారణకు అవసరమైన పనులు మాత్రము చేసినను కర్మబద్ధుడు గాడు. (4 : 22). 41) ఓ యర్జునా! మానవులను కీలుబొమ్మలవలె, సర్వాంతర్యామి యగు పరమేశ్వరుడు సకలప్రాణులయొ...

శ్రీసాయినాథాయనమః, శ్రీరమణాయనమః. ( Continued ) 28) అధికముగా చపలమైనది గనుకనే స్థిరముగానుండని మనస్సు ఏయే విషయములమీదికి బోవుచుండునో. ఆయా విషయములనుండి దానిని మరల్చి తన యాత్మస్వరూపమునందు నిలిచియుండు దానినిగా చేయవలయును. (6 : 26). 29) ఏ పురుషుడు ఇంద్రియములను మనస్సును బుద్ధిని జయించినవాడును, మోక్షమును కోరుచున్నవాడును, మనన శీలులుడును, విషయాపేక్ష భయము క్రోధము యనునవి లేనివాడునై యుండునో, అటువంటివాడు సర్వకాలములయందును మోక్షమును పొందినవాడే యగుచున్నాడు. (5 : 28). 30) యోగముతో గూడుకొనిన మనస్సు గలవాడు సమస్తజంతువులయందు సమభావము గలవాడై, తనను సమస్త భూతముల యందున్న వానినిగాను, సమస్తభూతములు తనయందున్న వానినిగాను చూచుచున్నాడు. (6 : 29). 31) ఏ పరమభక్తులు ఇతర చింతలు లేనివారై, పరమదైవమగు పరమాత్మయగునన్ను ఎల్లప్పుడును ధ్యానించువారై సేవించుచున్నారో, వారియొక్క యోగక్షేమములను నేను వహించుచున్నాను. (9 : 22). 32) సర్వకాలములయందు సమాహిత చిత్తుడును, సర్వేశ్వరుడనైన నాయందే భక్తిగలవాడు నయిన ఆత్మవేత్త (జ్ఞాని ) సర్వశ్రేష్ఠుడగుచున్నాడు. ఏలయన, ఆత్మవేత్త యగు వానికి నేను మిగుల ఇష్టుడను, కనుకనే అట్టి ఆత్మవేత్తగూడ నాకు పరమప...