Shirdi Sai Telugu

శ్రీసాయినాథాయనమః! " నా కథలు వినినచో సకలరోగములు నివారింపబడును." శ్రీ సాయిబాబా. భీమాజీ పాటీలు క్షయరోగముక్తుడైన వివరములు శ్రీసాయిసచ్చరిత్రము 13వ అధ్యాయమునుండి గ్రహించడమైనది. ఈ సాయిలీలా మహిమను క్లుప్తంగా నిచట విశ్లేషించుకొనెదము. భీమాజీ పాటీలు మహారాష్ట్ర పూనా జిల్లాలోని నారాయణగామ్ నివాసి. అతడు ఊపిరితిత్తుల వ్యాధిబాధితుడై క్రమంగా క్షయవ్యాధి గ్రస్తుడైనాడు. మందులెన్నివాడినప్పటికీ ఉపశమనము పొందక భగవంతుని తీవ్రంగా ప్రార్ధిస్తాడు. ఆ దీనప్రార్ధన ఫలితమేమోగాని ఆతనికి బాబాకి అత్యంతసన్నిహితభక్తుడు నానాసాహెబ్ చాందోర్కర్ కు ఈ విషయమై లేఖవ్రాయు సంకల్పం కలుగగా వివరములతో ఉత్తరంరాస్తాడు. సాయి సాయం స్నేహితులు, శ్రేయోభిలాషుల ద్వారా లభించునటుల సాయిబాబాను శరణువేడమని భీమాజీకి నానానుండి లేఖ వస్తుంది. ఆపై భీమాజీ కుటుంబీకులు వానిని శిరిడీకి దెచ్చి ద్వారకామాయిలోని బాబాముందు కూర్చుండబెట్టారు. అదేసమయంలో నానా, శ్యామా మున్నగు భక్తులుకూడ అచటనేయుండుట కాకతాళీయం గావచ్చు. పాటిలును చూడగానే బాబా వానిజబ్బు పూర్వజన్మ కర్మఫలంబని, తానేమి జోక్యముఁజేసుకోనని జెప్పారు. బాబా సర్వాంతర్యామి మనుజుల జన్మలు, కర్మలు సర్వము వా...

శ్రీసాయినాథాయనమః! " ఎవరైతే నా లీలలో మునిగెదరో వారికి జ్ఞానరత్నములు లభించును." శ్రీసాయిబాబ. దీనినిబట్టి సాయి తమ లీలాశ్రవణమునకెంత ప్రాధాన్యమిచ్చారో ఊహింపగలము. సాయిబాబాపై భక్తిపెరుగుటకు వారి లీలాస్మరణము ఓ చక్కనైన మార్గము. ప్రస్తుతము అతిప్రాచుర్యం పొందిన సాయి లీలనొక్కటిని క్లుప్తముగా గుర్తుకు తెచ్చికొనెదము. నానాసాహెబు చాందోర్కర్ సాయికి గొప్పభక్తుడు, సాయిమహిమలను దూరదూర ప్రాంతాలకు వ్యాపింపజేయడంలో ప్రముఖ పాత్రవహించిన ఘనుడు. ఈ సంఘటన 1904-1905 ప్రాంతంలో జరిగినది, ఆసమయాన చాందోర్కర్ శిరిడీకి బహుదూరమైన జలగాం కి సమీప జాంనేరు నందు మామల్తదార్ (deputy collector) గా పనిజేస్తున్నాడు. వానికుమార్తె మైనతాయి నిండుగర్భిణి 2,3 దినములుగా మిగుల ప్రసవవేదననుభవించు చుండెను. నానా సాహెబ్ మందులనెన్నింటినో వాడినను ప్రయోజనం కలుగకుండెన, ు యింట్లో బాబావిభూతి లేకుండెను. అట్టి నిస్సహాయ స్థితిలో ఆతడు బాబాను జ్ఞప్తికి తెచ్చుకొని సాయంకోసమై దీనంగా ప్రార్ధించాడు. సాయి సర్వాంతర్యామి సర్వహృదయనివాసి కరుణామయుడు, నానా ప్రార్ధన బాబా దయాహృదయాన్ని తాకింది. సాయి కుశలకర్ముడు, వారిని నమ్మినవారి పనులు విచిత్రంగా సమకూరుతాయి....

శ్రీసాయినాథాయనమః పాఠక సాయిభక్తులెల్లరకు శ్రీరామనవమి శుభాకాంక్షలు! సాయిబాబా శ్రీరామచంద్రుడు కరుణాసముద్రుడు, సర్వులకు వారి రక్షణ సదా లభించుగాక! శ్రీసాయిబాబా సమర్ధసద్గురువులు! భక్తులు తమ మనస్సు వాకు మరియు చర్యలచే తెలిసో తెలియకో చేసిన చెడుకర్మల ఫలితాలనుండి వారిని రక్షించి తమ మార్గంలో నడిపిస్తారు. ఇదే సాయిబాబా యొక్క ముఖ్యఅవతార కార్యంగా శ్రీ సాయి సచ్చరిత్ర లోని అసంఖ్యాక భక్తుల అనుభవాలు ధ్రువపరుస్తున్నాయి. సద్గురువులు తమ శిష్యుల కర్మఫలాలనెలా తొలగించెదరో లేక తగ్గించెదరో తెలిసికొనుట చాల ఆశ్చర్యాన్ని కలిగిస్తుంది. " ఓ యోగి ఆత్మకథ! " గ్రంధంలో శ్రీ పరమహంస యోగానంద, సద్గురువులు తమశిష్యుల దుష్కర్మ ప్రభావములనెలా పోగొట్టెదరో చాలావిఫులంగా వివరించారు. ఆ వివరాలనిచట స్మరించుకొందాము. శ్రీ యోగానంద కాలేజ్ లో చదివే రోజుల్లో తమ గురువు మరియు కొందరు స్నేహితులతో కాశ్మీరు పర్యిటిస్తారు. కాలేజీ తెరియుటచే ముందుగనే బెంగాలు తిరిగి వచ్చేస్తారు. శ్రీ యుక్తేశ్వర్ మరికొంతమంది శిష్యులు తమ పర్యటన కొనసాగిస్తారు. ఇంటికి వచ్చిన వెంటనే ఓ అశుభవార్త వింటారు యోగానంద. శ్రీయుక్తేశ్వర్ తీవ్రంగా జబ్బుపడ్డారని, ప్రాణ...

శ్రీసాయినాథాయనమః! అనుకరణ గురించి మాట్లాడుకొనేముందుగా శ్రీ మహాభాగవతములోని ఓ మధుర సన్నివేశాన్ని స్మరించుకొందాము. ఆది మహావిష్ణు శంఖ చక్ర గదా పద్మాలను సదా ధరిస్తాడనేది సర్వులకు తెలిసినవిషయమే. శ్రీ మహావిష్ణువు శ్రీకృష్ణునిగా జన్మదాల్చినపుడు పౌండ్రక వాసుదేవుడను ఓ రాజుండేవాడు. అతడు మూర్ఖుడు, మహా అహంకారి. శ్రీకృష్ణుని పేరుప్రఖ్యాతులు విని తానుగూడ శ్రీకృష్ణునిలా ప్రజలచే పూజింపబడాలని శంఖ చక్ర గదాది ఆయుధములను చేయించుకొని ధరించడము మొదలుపెట్టి ప్రజలు తనను శ్రీకృష్ణునిలా పూజింప నిర్బంధించేవాడు. ప్రజలకీవిషయం చాలవింతగా దోచి వానినంతగా పూజించేవారు కాదు. అందులకాతడో ఉపయామాలోచించి శ్రీకృష్ణుడులేకున్న ప్రజలు తననే కొలుస్తారని శ్రీకృష్ణునిపై దండెత్తి చివరకు మరణిస్తాడు. అర్హతలేని అనుకరణ యెంతటి ప్రమాదకారొగదా! మహాత్ముల, సద్గురువుల జీవితవిధానముల పరిశీలించి, వారిబోధనలను అర్ధం జేసికొని, వారుసూచించిన మార్గంలో పయనించడమెంతో శ్రేయస్కరము కదా! అట్లుగాక కొంతమంది నకిలీగురువులనిగూడ చూస్తుంటాము. వారు సద్గురువుల, మహనీయుల వేషభాషలనెంతో నేర్పుగా అనుసరిస్తుంటారు కాని వారి అంతరంగం అందుకు భిన్నంగా వుంటుంది. ధనార్జన కీర్తిప్రతి...

శ్రీసాయినాథాయనమః స్వామి వివేకానంద 161వ జయంతి సందర్భంగా వారి ఘనతను స్మరించుకొందాము. " నేను నీగురువును కాను! " స్వామి ఓ అమెరికన్ భక్తుని ( Mr.E.E.Dickinson) తో అన్నమాటలు. ఆధ్యాత్మిక మార్గంలో పయనించే సాధకులకు దైవనిర్ణయంచే ఓ సద్గురువు లభిస్తాడు అనెడి సత్యము చాలామందికి అనుభవ విషయము. భక్తుని మార్గంలో వేరు వేరు సమయాలలో వేరువేరు గురువులు తటష్టింప వచ్చును కాని, నిర్దేశ గురువు లభించేవరకు సాధకుని ప్రయాణం కొనసాగుతుంది. ఈ సత్యాన్ని ఓ అమెరికన్ భక్తుని ( డికిన్సన్ ) అనుభవాన్ని ఇచట పరిశీలించెదము. ఇది చాల ఆశ్చర్యకరమైన విషయము కావున పాఠకభక్తులతో పంచుకొంటున్నాను. ఈ సంఘటనలో ముఖ్యంగా ముగ్గురు పాత్రధారులు, ఓ అమెరికన్ భక్తుడు మరియు యిద్దరు జగత్విఖ్యాత మహనీయులు. వారు స్వామి వివేకానంద మరియు పరమహంస యోగానంద. ఇక ప్రస్తుత విషయానికొస్తే డికిన్సన్ మాటల్లోనే వాని అనుభవిషయాలు తెలిసికొందాము. " ఆరంభం మహా అద్భుతం. నేను 15 అడుగుల నీటిమడుగులో మునిగిపోతున్నాను. అన్నయ్య అటకాయితనంగా నన్ను నీటిలోకి తోశాడు. మాది అమెరికా నెబ్రాస్కా రాష్ట్రంలో...

 శ్రీసాయినాథాయనమః  " " ఈ లోకములో అనేకమంది యోగులు కలరు. గాని మనగురు వసలైన తండ్రి. ఇతరులు అనేక సుబోధలు చేయవచ్చును. కాని మనము మన గురువుయొక్క పలుకులను మరువరాదు. వేయేల! హృదయపూర్వకముగ నీగురువును ప్రేమించుము. వారిని సర్వస్య శరణాగతి వేడుము. భక్తితో వారి పాదములకు మొక్కుము. అట్లు చేసినచొ సూర్యునిముందు చీకటి లేనట్లు నీవు దాటలేని భవసాగరము లేదు." శ్రీ సాయిబాబా. ఒకనాడు పంతు  అను ఓ భక్తుడు తనబంధుమిత్రులతో కలసి సాయిబాబా దర్శనం చేసికొన్నాడు. ( పంతు వేరొకరిని తనగురువుగా నమ్ముకొన్నాడు). బాబాను చూడవచ్చిన భక్తులతో ద్వారకామాయి ఎంతో సందడిగా, ఆనందమయంగా  వుంది. కాని బాబా దర్శనానంతరం పంతుకు హఠాత్తుగా మూర్ఛవచ్చి క్రిందపడిపోయాడు. బాబా దయచే కొంతసేపటికి యాతనికి తెలివి వచ్చినది. సర్వజ్ఞుడగు బాబా అతడు ఇంకొక గురువు తాలూకు శిష్యుడని గ్రహించి, నిర్భయముగా నుండుమని ధైర్యము చెప్పుచు వానితో పై మాటలన్నారు. ఈ సందర్భంలో గురుశిష్యుల సంబంధాన్నిగూర్చి కొద్దిగా పరిశీలిద్దాము. భక్తుని భగవంతుని పెళ్ళిజేసే పూజారి గురువని శ్రీరామకృష్ణ పరమహంస తెలియజెప్పారు. తమ ప్రతిభకు తమగురువే మూలకారణమని సాయిబాబా భక్తులతో చెప్...

Sri Sainathayanamah!   Merry Christmas and Happy New year to you all!  The birth, life and death of Great Masters are always mysterious and miraculous! The Masters exhibited miracles  not for cheap popularity but to show  people the power of The Invisible Divine or God! Among many miracles performed by Jesus Christ seven are said to be most popular. Here an attempt is made to recollect  those miracles in brief and also ponder on similar divine acts  exhibited  by Shirdi  Sai Baba during His life time, witnessed by many in the recent past of 100-150 years. Wonder of wonders is that these healing and blessings of The  Divine Masters, have been continuously happening.   The first popular miracle happened when Jesus and His disciples were invited to a wedding party. At the party Jesus changed water into wine when the host's supplied wine was completely consumed by the guests and majority remaining to be served.   The read...