Shirdi Sai Telugu

శ్రీసాయినాథాయనమః ఆత్మానుభవము లేక ఆత్మసాక్షాత్కారము పొందిన మహాత్ముడే సద్గురువు. అట్టి యనుభూతిని పరిపక్వత నొందిన తన శిష్యులకు సులువుగా అందింపగలడు సద్గురువు. అదియే శిష్యునకు లభించే అత్యుత్తమ గురుకృప. శ్రీసాయిబాబ, శ్రీరామకృష్ణ పరమహంస మరియు శ్రీయుక్తేశ్వరులు గడచిన ఒకటి రెండు శతాబ్దాలకాలంలో పవిత్ర భారతావని ప్రభవించారు.ఆయా మహనీయులు తమ ధర్మాచరణ, బోధామృతములచే సమాజంలోని సామాన్యులనుద్ధరించి వారిని మానవతా విలువలతో కూడిన ఆధ్యాత్మిక మార్గంలో నడిపించుటకు చక్కటి మార్గాల నేర్పరచారు. యోగ్యులైన శిష్యులకు తమశక్తి సామర్ధ్యాదుల సయితం వెచ్చించి, వారిని తమయంతటి వారలగా తీర్చిదిద్దారు. అపార సద్గురు గురుకృపకది నిదర్శనము. అనుపమాన సద్గురు గురుకృపామృతమునాస్వాదించిన కొందరి శిష్యాగ్ర గణ్యుల యనుభవములనిచట స్మరించుకొనెదము. వారి ఆయా అనుభవములు సాధారమనుజలమైన మనలకు సత్యదృష్టి, నిత్యానిత్య వివేకముల ప్రసాదింపగలవు. సత్యాసత్యా విచక్షణచే మానసిక దౌర్బల్యం తొలగి దుఃఖనివృత్తి కాగలదు. సమర్ధసద్గురు సాయినాథులు తమభక్తులకందించిన భావాతీత యనుభవములు కొన్నింటిని శ్రీసాయిసచ్చరిత్రములో వర్ణింపబడినవి. శ్రీసాయిసచ్చరిత రచయిత హేమాడ్ ప...

శ్రీ సాయినాథాయనమః! శ్రీ రమణదేవాయనమః! నేడు భగవాన్ శ్రీ రమణమహర్షి 143వ జయంతి. పాఠకులందరికి భగవానుల ఆశీసులు లభించుగాక! జీవితము ఓ రంగస్థలమని, బొమ్మలాటయని పెద్దలు చెబుతుంటారు. ప్రస్తుతకాలంలో నాటకరంగము మరియు తోలుబొమ్మలాటలు కనుమరుగయ్యాయని చెప్పవచ్చును. వాటిస్థానంలో మూవీ థియేటర్స్ చోటుచేసుకున్నాయి. థియేటర్లో ప్రేక్షకులు చూసే సినిమాకి మరియు నిజజీవితానికి ఎంతో సారూప్యముంది. అదెలాగో పరిశీలించెదము. ప్రధమంగా థియేటర్లో సినిమా ప్రదర్శనవెనుక జరిగే ప్రక్రియ ఏమిటో చూచెదము. థియేటర్లో కూర్చున్న ప్రేక్షకుల వెనుకవైపు గోడలోపల ఆపరేటర్ చే నడుపబడే ప్రొజెక్టర్ రూమ్ వుంటుంది. సినిమా పెద్దఫిల్ములో రికార్డయి పైనున్న చక్రమునకు చుట్టబడి చలిస్తూ ఓ చట్రం ద్వారా పయనించి క్రింది కదిలే చక్రానికి వృత్తాకారంగా చుట్టబడుతుంది. ఫిలిం చట్రం వెనుకభాగాన పెద్దదేదీప్యమానంగా ప్రకాశించే వెలుగు దీపముంటుంది. ఫిల్ము చట్రానికి ముందుభాగాన కటకముంటుంది. సినిమా నడిచేటప్పుడు దీపమునుండి మిరుమిట్లు గొల్పు వెలుగు ఫిల్ముపై పడుతుంది. ఆ ఫిల్ము ప్రతిబింబం సమీప కటకంపై బడి, ఆకటకమునుండి విభజననొంది ఎన్నోరెట్లుగా ప్రేక్షకుల ముందున్న తెర...

శ్రీసాయినాథాయనమః. ముందుమాట. 1990-98 ప్రాంతంలో ఉద్యోగపరంగా ప్రయాణనిమిత్తమై తరచు సికింద్రాబాద్ రైల్వే స్టేషన్ కు వెళ్ళేవాణ్ణి. అచటనున్న అన్నిరకాల స్టాల్ల్స్ లో శిరిడీసాయి బుక్ స్టాల్ నన్నెంతో ఆకర్షించేది. స్టాల్ అనడంకంటే ఓ చిన్న బాబాగుడి అంటే బాగుంటుందేమో! షాప్ వెలుపల ఓ పెద్ద బాబా ఫోటో, లోపల అనేక బాబా చిత్రపటాలు, అగరువత్తుల పరిమళాలు, చిన్న చిన్నదీపాల వెలుగు వరుసలు. అచటనున్న కాసేపు స్టేషన్ అనే భావమేమాత్రం కలిగేదికాదు. షాప్ యజమాని సుమారు 55 యేండ్లు పైబడిన పెద్దాయన. పొడుగాటి గెడ్డం, వ్యాపార దృష్టిలేని వ్యవహారశైలి, హృదయమంతా సాయిని నింపిన భక్తిభావం. ఆయన్ను చూడగానే చాల గౌరవభావం కలిగేది. తరచుగా కలియుటచే, చొరవతో ఓ పర్యాయం బాబాపట్ల అలాంటి భక్తిశ్రద్ధ లెలా కలిగాయని కుతూహలంతో ప్రశ్నించాను. క్లుప్తంగా తన యనుభవమిలా చెప్పాడు. తాను కేరళనుండి వచ్చానని , మొదట్లో కమ్యూనిస్టు పార్టీ భావజాలం నింపుకున్న పరామనాస్తికుడనని, కాని బాబాగురించి విన్నాక, చదివాక మరియు స్వానుభవంతో బాబాను తన యాలోచనలకు అతిదగ్గరైన మానవతావాదిగా గ్రహించానని క్రమంగా సాయిబాబా జీవితం, తనపై పెను ప్రభావం చూపిందని, సాయిలోని అత్త్...

శ్రీసాయినాథాయనమః. ఆనందమనేది ఓ చక్కటి అనుభూతి. సృష్టిలో కేవలం మనుషులేగాక పశుపక్ష్యాదులు సయితం ఎదో క్షణంలో ఆనందానుభూతి పొందుతూనే వుంటాయి. కాని ఆ అనుభూతి క్షణికమో లేక ఏకొద్దిపాటి సమయానికో పరిమితమౌతుంది. తాననుకొన్న కోరిక చిన్నదైనా లేక పెద్దదైనా తీరినవేళ వ్యక్తి ఆనందానుభూతి పొందుతాడు. కాని కొంతకాలం తరువాత ఆ ఆనందక్షణాలు మాయమౌతాయి. మనసు తన మామూలు మూసలో మరల చరిస్తూ ఎదో తెలియని అన్వేషణ కొనసాగిస్తుంది. మునుపు కోరిక తీరినందువలనగదా సంతోషం కల్గిందని తలచిన మనసు మరొక కోరికద్వారా అలాంటి మధురక్షణాల మరలపొందుటకై తపిస్తుంది. మానవ నిత్యావసరములైన అన్నవస్త్ర నివాసాదాలకు పరిమితములైన కోర్కెలు సహజం, సాధారణజీవనానికి ఆవశ్యంకూడా. కాని అవి లభించినపిమ్మటకూడా కోర్కెల వేట కొనసాగుతూనే వుంటుంది, మనసు మాయలేడికై పరువులిడుతూనే వుంటుంది ఎదో తృప్తి, శాంతుల పొందుటకు అవిశ్రాంతి ప్రయాణం. యోగ, వేదాంత గ్రంధాలను పరిశీలిస్తే ఈ నిత్య పోరాటానికి సంబంధించిన కొన్ని మూల సత్యాలు బయటపడతాయి. మనిషి సత్, చిత్, ఆనంద అనగా సచ్చిదానంద రూపుడు. అనగా వ్యక్తి భౌతిక, మానసిక, ఆనందములు కలబోసిన చైతన్యరూపుడు. ఆనందమనేది వ్యక్తి సహజ స్వభావం. క...

శ్రీసాయినాథాయనమః. పాఠక భక్తులెల్లరకు విజయదశమి శుభాకాంక్షలు, సాయిబాబా ఆశీసులు! సద్గురువు అలౌకిక బ్రహ్మజ్ఞానానికి, దైవత్వానికి ప్రతీక; ఓవర్ డ్రాఫ్ట్ లౌకిక డబ్బువ్యవహారాలకు సంబంధించిన అంశము. ఈ రెండూ ఉత్తర దక్షిణ ధృవాలలా, నీరూ నిప్పులా పరస్పరం వ్యతిరేక విషయాలు. మరీ రెంటికి సమన్వయమెలా కుదురుతుంది యనే సందేహం సాధారణంగా కలుగుతుంది. ఈ క్రిందటి వివరణ పరిశీలించిన పిమ్మట అసలు విషయం బోధపడగలదు. సద్గురువు సాక్షాత్తు దైవ స్వరూపుడు, భక్తులపట్ల వాని అవ్యాజ కరుణయే ఇచట పేర్కొనబడిన ఓవర్ డ్రాఫ్టు. ఈ విషయమై పూజ్య ఆచార్య శ్రీ ఎక్కిరాల భరద్వాజ గారిలా వచించారు, "సిరిసంపదలు తాను ఆర్జించిన పుణ్యం ధర్మం వల్లనే సంక్రమిస్తాయి. అది బ్యాంకు బ్యాలన్స్ లాంటిది. తానేమీ ఇవ్వకుండా, దానధర్మాలు చేయకుండా అవినీకు ప్రసాదించమని బాబాను కోరడం చిత్రాతిచిత్రం. ఈశ్వర సహాయం ఎప్పుడు? మనము ఇతరులకు సహాయ పడ్డప్పుడు మాత్రమే! సిరిసంపదలు కేవలం సుఖాలకు వెచ్చిస్తే అవి వ్యర్ధమే. అయినా అట్టి గత పుణ్యం లేకపోయినా, బాబాను ఆశ్రయించాము కనుక తిండికీ,గుడ్డకు ఓవర్ డ్రాఫ్ట్ శాంక్షన్ చేయించి, కరుణించటము ఆ ప్రేమమూర్తి అపార కరుణకు నిదర్శనము. ...

శ్రీసాయినాథాయనమః! భగవద్గీత యందు శ్రీకృష్ణ పరమాత్మ ఎల్లవేళలా అనన్యభక్తితో తననే సేవించాలని మరియు ఆలా సేవించు వారల యోగక్షేమములను తాను వహిస్తానని అర్జునికి బోధించాడు, ప్రస్తుత వ్యాసంలో శ్రీసాయిబాబా తమ గురువునెలా సేవించారో వివరించుకొనెదము. ప్రప్రధమంగా బాబా భక్తులు, తమనెలా సేవించాలో యెచ్చటను ప్రత్యేకించి వివరించలేదు. కాని బాబావారి చర్యలు, సామాన్యసంభాషణలు మరియు వారి పావనచరితములు మౌనముగా ప్రబోధము జేయుచు తమభక్తుల ఉన్నతమార్గముల నడిపించుచున్నవి. అలా సాయి, చెప్పకచెప్పిన అమూల్య సందేశాలనిచట స్మరించుకొనెదము. ప్రస్తుత విషయమునకు శ్రీసాయిసచ్చరిత్రము మూలము. సచ్చిష్యునకు అణకువ, అభిమానరాహిత్యము, ఇంద్రియనిగ్రహము, ఏకాగ్రచిత్తము, గురువుపై పరిపూర్ణవిశ్వాసము, గురువాక్యపాలన, సదాగురుస్మరనయే దప్ప ఇతర ఆలోచనల రానీయకుండుట మరియు తుదకు సర్వస్యశరణాగతి అనగా తమకు తామే గురునకు సంపూర్ణ ఆత్మార్పణము జేయుట. ఈ విశేష ఉత్తమ శిష్యలక్షణములు బాబాయందెలా ప్రతిబింబించాయో తెలిసికొనుట సాయిని సేవించు భక్తులకు మార్గదర్శకములు కాగలవనే ఆలోచనే ఈ ప్రస్తుత రచనకు ప్రేరణయని పాఠక భక్తులు గ్రహింపగలరని ఆశిస్తున్నాను. జౌహర్ ఆలీ ఒక కపటగుర...

శ్రీసాయినాథాయనమః. శ్రీరమణ దేవాయనమః. పాఠక భక్త మహాశయులెల్లరికి శ్రీకృష్ణాష్టమి శుభాకాంక్షలు! " నన్ను వెదుకుటకు నీవు దూరముగాని మరెచ్చటికిగాని పోనక్కరలేదు. నీ నామము నీ యాకారము విడిచినచో నీలోనేగాక యన్నిజీవులలోను , చైతన్యము లేదా యంతరాత్మయని యొకటి యుండును. అదే నేను. దీనిని నీవు గ్రహించి, నీలోనేగాక అన్నిటిలోను నన్ను జూడుము." శ్రీ సాయిబాబా. " ఓ అర్జునా! నేను సకలభూతములయొక్క హృదయ కమలమందుండు ప్రత్యగాత్మ(Self)ను, సమస్తభూతములయొక్క ఆది మధ్యాంతములును నేనే". భగవద్గీత 10:20. క్లుప్తంగా శ్రీకృష్ణపరమాత్మ సందేశమునీవిధంగా గ్రహింపగలము,' ప్రతిమనిషి, తన దేహానికి , మనసుకు, బుద్ధికి మరియు అహంకారానికి అతీతంగా లోలోపరి పొరలలో దాగిన సత్ చిత్ ఆనంద రూప భగవంతుని ఉనికిని సాధనద్వారా గ్రహించి ఆపై ఆత్మానుభవము లేక ఆత్మసాక్షాత్కారము పొందుటయే మానవజన్మ పరమార్ధము'. తమభక్తులెల్లరు ఈ అనుభవాన్ని పొందుటకు, భగవాన్ శ్రీరమణమహర్షి ఓ చక్కని సాధనామార్గాన్ని క్రిందివిధంగా అప్పడరూపంలో సూచిస్తున్నారు. ప్రస్తుత అప్పుడపు కథ భగవాన్ శ్రీ రమణ మహర్షికి వారి దివ్యజనని అలగమ్మాళ్ కు మధ్యజరిగిన జ్ఞానసందేశమ...